Судијата Славко Винчиќ од Словенија досуди пенал за Белгија во последните моменти од првото полувреме на дуелот против Италија, а реакциите се дека одлуката е контроверзна.
Винчиќ покажа на белата точка по дуелот меѓу Спонацола и Доку, а воопшто и не сакаше да го погледне сам моментот од 45. минута, иако спорната ситуација се проверуваше со помош на ВАР системот.
Очигледно е дека Винчиќ доби инструкции од судиите во ВАР собата дека одлуката му е правилна па остана на тоа дека имало пенал за Црвените ѓаволи.
Ромелу Лукаку беше сигурен и го совлада Динарума за 1:2 против Италија. Претходно Николо Барела и Лоренцо Инсиње постигнаа убави голови за Аѕурите кои имаат предност од еден гол по првото полувреме.