Освојувачот на златен медал од Медитеранските игри во Сплит, Коце Ефремов, ненадејно почина на 62-годишна возраст во Кочани.
Македонското борење остана без едно од своите најзначајни имиња, а постигнувањата на Ефремов се за почит.
Во 1979 година на Медитеранските игри во Сплит, Ефремов го освои златниот медал во борење слободен стил во категоријата до 48 килограми. Членот на боречкиот клуб Спартак има учество и на Летните олимписки игри, во Москва 1980 година, кога го освои седмото место.
Погребот ќе биде одржан денеска, во Кочани, од 12-14 часот.
