Лос Анџелес лејкерс одново испиша историја во најсилната кошаркарска лига на светот и ќе биде запишан како прв освојувач на НБА-купот, натпреварување кое за првпат се одржа сезонава.
Во финалето во Лас Вегас, Езерџиите беа подобри од Индијана пејсерс со 123-109. За МВП на НБА-купот е прогласен Леброн Џејмс, а во финалето блескаше Ентони Дејвис кој беше незапирлив за Пејсерс и имаше 41 поен, 20 скока, пет асистенции и четири блокади.
Џејмс финалето го заврши со 24 поени, 11 скока и четири асистенции.
Лејкерс доминираше во рекетот, од нивните 123 поени, само 10 беа постигнати со шутеви од надвор од рекетот.
Како шампиони, за секој играч на Лејкерс и тренерот, следуваат по 500.000 долари. Поразените од Индијана, добиваат „утешни“ по 200 илјади долари по човек.
Леброн Џејмс беше играчот кој го отвори шампањското, а имаше и шампионски славенички танц:
Do your dance, LeBron 👑🕺
Vibes at the @Lakers In-Season Tournament Championship celebration 💯 pic.twitter.com/5hTPgF0WrD
— NBA (@NBA) December 10, 2023
