Новиот клуб во првенството на МЛС во САД, Интер од Мајами само по неколку месеци од официјалното појавување на светската фудбалска мапа, реши да си го смени грбот. Интер Мајами е клуб во сопственост на некогашниот англиски фудбалер Дејвид Бекам.
Како мотив за промена на грбот на клубот е светската борба против Коронавирусот. Од опасниот вирус досега низ целиот свет се заразени околу 350.000 луѓе, а главната препорака за сите е да останат во своите домови, да се изолираат и да немаат блиска комуникација со други луѓе. Едноставно, држењето на растојание е една од главните превенции против овој опасен вирус.
Американското фудбалско првенство е во прекин токму поради опасноста од Коронавирусот, а Бекам реши да го смени грбот на својот клуб и тоа да биде во чест на борбата против вирусот.
На грбот на Интер Мајами има две птици чапји кои се поврзани една со друга и со испреплетени нозе, но сега тоа е променето.
На новиот грб на клубот, двете чапји се одалечени една од друга, што ја симболизира пораката во борбата против Коронавирусот, а тоа е луѓето да бидат раздвоени во овие моменти.
