Фудбалерите на Интер многу потешко од очекуваното дојдоа до пласман во полуфиналето од Купот на Италија, откако славеа со 2-1 над Торино на домашен терен.
Екипата од Милано беше голем фаворит во пресрет на натпреварот и тоа го оправда со гол на Бони во 35-тата минута за водство од 1-0 на полувремето. На стартот од вториот дел, односно во 47-мата минута веќе беше 2-0 за Интер со голот на Диуф.
Сепак, кога се мислеше дека „сино-црните“ рутински ќе го однесат мечот до својот крај, Куленовиќ погоди во 57-мата минута и го врати Торино во игра.
Интер во полуфиналето ќе го чека подобриот од мечот помеѓу Наполи и Комо, кој ќе се одигра во вторник.
