Европската фудбалска федерација УЕФА донесе одлука, мечот од Конференциската лига меѓу Балкани и Викторија Плзен да не се игра на стадионот „Фадил Вокри“ во Приштина. Причина за ваквата одлука на УЕФА е очајната состојба на теренот кој повеќе личи на нива за компири, отколку место каде што треба да се игра фудбал.
Косово на овој стадион неодамна одигра два меча од квалификациите за ЕП 2024 и тоа против Израел и Белорусија, а голем број од гостинските фудбалери во овие две селекции потенцираа дека никогаш не играле на полош терен.
🚨 EXCLUSIVE: UEFA HAS DECIDED, THE BALLKANI – VIKTORIA PLZEN MATCH WILL NOT BE PLAYED IN PRISHTINA
Ballkani’s officials have been informed of UEFA’s decision and are seeking an alternative.
Most likely, this match will be played at Kukës Stadium, but another option is Air… pic.twitter.com/EFsE6fi9gn
— Kosovo Football 🇽🇰 (@FootballKosovo) November 24, 2023
Засега челниците на Балкани немаат одлучено каде точно ќе се игра дуелот против Викторија Плзен, но се шпекулира дека тоа ќе биде градот Кукс во Албанија, а во опција е и националниот стадион во Тирана „Ер Албанија“.
Мечот меѓу Балкани и Викторија Плзен ќе се игра следниот четврток. Косовскиот тим се бори за второто место во групата каде ривали им се Динамо Загреб и Астана.
