Каван Саливен само со 14 години и 293 дена стана најмладиот дебитант во историјата на американската МЛС-лига. Фудбалерот кој неодамна потпиша договор со Манчестер сити и кога ќе наполни 18 години ќе се пресели во редовите на Граѓаните, синоќа дебитираше за сениорската екипа на Филаделфија.
Тој доби пет минути во победата од 5-1 над Њу Ингланд, меч на кој последниот гол беше дело на неговиот повозрасен брат, Кин.
Саливен со ова го сруши досегашниот рекорд на Фреди Ад, бидејќи е помлад само за 13 дена. Каван веќе одигра 10 натпревари во развојната лига за Филаделфија, но сега конечно неговиот раскошен талент можеше да се види и во најквалитетната фудбалска лига во САД.
https://twitter.com/FabrizioRomano/status/1813798523982455245?ref_src=twsrc%5Etfw%7Ctwcamp%5Etweetembed%7Ctwterm%5E1813798523982455245%7Ctwgr%5E2c6c96d87dd62afa6c41c6b9c9ec6ccf17577385%7Ctwcon%5Es1_c10&ref_url=https%3A%2F%2Fwww.tvarenasport.com%2Ffudbal%2Fvesti-iz-fudbala%2F30158%2Fkavan-saliven-najmladi-debitant-mls-lige%2Fnews
