Италија е нов европски рекордер со 15 победи во низа на актуелниот шампионат на Стариот континент, а славјето на Аѕурите по големиот триумф од 2:1 против Белгија го подрасипа тешката повреда на Леонардо Спинацола.
Извонредниот бек на Италија се повреди во финишот на мечот од четвртфиналето и има тешка повреда. Ја скина ахиловата тетива повреда што ќе го одвои од терените на подолг период и за него Европското првенство е завршено.
Италија со головите на Барела и на Инсиње во првото полувреме ја елиминира Белгија во дуелот на две селекции што имаа по 14 победи по ред на ЕП и на квалификациите за настап на шампионатот.
Аѕурите вечерва беа подобри и се рекордери со 15 триумфи во низа,најдобро остварување на било која селекција од 1960 година кога се играше првиот шампионат па се досега.
15 – Including the qualifying rounds, Italy have won each of their last 15 European Championship matches – a new competition record. Belgium themselves had won 14 consecutive matches before today's defeat. Goliath. #EURO2020 pic.twitter.com/JOqngYjNIC
— OptaJoe (@OptaJoe) July 2, 2021
Италија има уште една блескава серија и на 32 натпревари по ред не е поразена, а рекордот е во сопственост на Бразил и на Шпанија, селекции кои во минатото имаа серии од по 35 меча без несупех.
