Македонската фудбалска репрезентација има само позитивни спомени од гостувања кај Италија. Во досегашните две средби на тлото на „чизмата“, Македонија може да се пофали со победа и реми.
Аѕурите беа шокирани од Македонија во Палермо во баражот за пласман на СП 2022 година кога нашите фудбалери победија со 1:0, со голот на Александар Трајковски во 90 минута. Претходно, Македонија гостуваше во Торино, кога резултатот беше 1:1, а и тогаш стрелец на голот беше Трајковски.
Сега, Италија се подготвува по трет пат да ја нагости Македонија и тоа ќе биде на „Олимпико“ во Рим. Актуелниот европски првак е во група со Македонија во квалификациите за ЕП 2024 година, а дуелот на „Олимпико“ ќе се игра на 17 ноември. Пред овој дуел, Македонија ќе ја нагости Италија на „Тодор Проески“ во Скопје, во септември.
