Јувентус потврди дека е неприкосновен во Италија и ја продолжи апсолутната доминација со деветтата титула по ред и вкупно 36-тата по победата од 3:0 против Сампдорија.
Кристијано Роналдо во последен миг од долгото продолжение од шест минути во првото полувреме го проби мразот со 31 гол во Серија А.
https://twitter.com/TeamCRonaldoHD/status/1287488287746207744?s=20
Потоа погоди и Федерико Бернардески со првиот гол за него во ова првенство, за печат на триумфот што му го донесе 36-тото Скудето на Јувентус.
#bernardeschi first goal over one and half year! 😱 https://t.co/uGXMRa8o0F
— 𝗔 𝗡 𝗗 𝗔 𝗥 🎙️🛩️ 🅹 (@andarsofian) July 26, 2020
Сенка на титулата фрлија повредите на бекот Данило и на моторот на екипата Пауло Дибала, кои беа заменети во првото полувреме.
Данило беше заменет во 29-тата минута, а на негово место влезе Бернардески, додека Дибала го истегна бутниот мускул и во 40-тата минута самиот побара замена, па на негово место во игра влезе Гонзало Игуаин.
Во финишот на мечот Роналдо утна пенал и шанса за 32-риот гол, со што ќе му се доближеше на Чиро Имобиле само на два гола во битката за најдобар стрелец во Серија А.
Јувентус сега има вкупно 36 титули, што е асполутен рекорд во Италија и двојно повеќе од Милан и Интер, кои имаат по 18 Скудета, на делба на второто место на најуспешните фудбалски екипи на Чизмата.
Старата дама на две кола до крајот на сезоната во Серија А има 83 бода, 7 повеќе од Интер и по 8 од Лацио и од Аталанта, што е недостижна предност во трката за титулата.
