Дресовите со број 88 ќе бидат забранети во италијанскиот спорт, најави министерот за внатрешни работи на Италија, Матео Пјантедози.
Овој број се поврзува со Адолф Хитлер и антисемитизам бидејќи осма буква во латиницата е Х, па 88 или ХХ е нацистичка шифра за извикот Хајл Хитлер, кој неонацистите уште го користат.
Минатата сезона во фудбалската Серија А само двајца играчи имаа дресови со бројот 88, а интересно е дека двајцата се Хрвати: Марио Пашалиќ од Аталанта и Тома Башиќ од Лацио.
Бројот 88 во два наврати во минатото го носеше и голманот Џанлуиџи Буфон и често беше критикуван за тоа.
