Јаник Синер лесно дојде до пласман во полуфиналето на АТП турнирот во Париз, откако за само 70 минуни славеше со максимални 2-0 против Бен Шелтон од САД. Италијанецот ги доби двата сета со идентични 6-3.
За Синер ова е 11-та победа по ред, откако на петти октомври го предаде мечот против Греикспор од 1/16-финалето на турнирот во Шангај. За овие нешто повеќе од 20-тина дена, Италијанецот победи на три натпревари во Саудиска Арабија и дојде до трофејот од „Шестте крала“, а потоа и со пет победи го освои АТП турнирот во Виена.
Синер вечерва ќе го дознае својот противник во полифиналето на турнирот во Париз, а тоа ќе биде подобриот од дуелот на Медведев и Зверев.
