Италијанецот Јаник Синер ја освои титулата на престижниот турнир во Виена, по драматично финале во кое го победи германскиот ас Александар Зверев со 2-1 во сетови (3-6, 6-3, 7-5).
Финалето започна во корист на Зверев, кој во првиот сет направи брејк во четвртиот гем и ја контролираше играта до крајот на сетот. Тој успешно ги одбрани двете брејк-топки на Синер и го затвори сетот со 6-3, оставајќи впечаток дека има предност и контрола над мечот.
Сепак, Синер не дозволи германскиот тенисер да се оддалечи. Италијанецот започна силно во вториот сет, веднаш поведе со 3-0, остварувајќи брејк предност која ја задржа до крајот на сетот. Овој пресврт го врати Синер во играт и го создаде потребниот импулс за одлучувачкиот трет сет.
Третиот сет беше изедначен и драматичен, со борба на секој поен. Сè до 11-тиот гем двата играчи се држеа еден против друг, но тогаш Синер направи одлучувачки брејк и на свој сервис го затвори мечот со 7-5, ставувајќи печат на заслужениот триумф.
Со овој успех, Синер не само што ја освои титулата во Виена, туку и заработи 500 АТП поени, што го приближи до лидерот Карлос Алкарас на врвот на светската ранг-листа.
