Капитенот на фудбалската репрезентација на Украина, Андриј Јармоленко, бара Русија да биде изолирана на секое спортско ниво. Според Јармоленко, кој е роден во Санкт Петербург во Русија, Русија е земја на терористи.
„Рускиот фудбал и рускиот спорт треба целосно да бидат изолирани. Тоа е земја на терористи, земја која убива Украинци и украински деца. Не треба на Русите да им се дозволи да учествуваат во какво било натпреварување додека се убива цивилно население во Украина. Ставот на сите во украинскиот тим е единствен, на Русија треба да ѝ се забрани сè“, изјави Јармоленко, кој во моментов е член на Ал-Аин од Дубаи.
