Поранешниот тренер на Ливерпул, Јирген Клоп, има револуционерен план, според кој Германија би добила ново првенство. Се работи за лига во која би настапувале само фудбалери до 21 година, а неговиот предлог веќе доби поддршка од неколку германски легенди, но и од Фудбалскиот сојуз.
Според Клоп, во Бундеслигата има премалку млади германски фудбалери и според тој критериум се далеку зад останатите првенства од топ-5 лигите. Со новото првенство би се развиле и академиите на клубовите бидејќи во овој момент само 15% од минутите на терен им припаѓаат на фудбалери кои потекнуваат од академијата на клубот.
Доколку предлогот на Клоп биде усвоен, новото првенство во Германија би започнало веќе од наредната сезона.
