Оклахома на свој терен го победи Денвер со 127:103 во дербито на вечерва во НБА лигата. Ова беше дуел и на двајцата кандидати за МВП признанието, а на крајот Шеј Гилџес-Александер излезе како победник пред Никола Јокиќ.
Гилџес-Александер кој е прв фаворит за МВП сезонава, мечот го заврши со 40 поени и беше најефикасен на теренот.
За разлика од него, Јокиќ кој на овој натпревар настапи повреден, на крајот заврши со 24 поени, 13 скока и девет асистенции, што значи дека му фалеше само уште едно додавање за поени, за да стигне до трипл-дабл.
До почетокот на последната четвртина беше неизвесно. Оклахома водеше со 86:85, потоа беше 94:91, па следуваше серија од 9:0 за домаќините кои поведоа со 103:91. Денвер како да се предаде, па Оклахома до крајот стигна до најголемата предност и убедлива победа.
