Денвер нагетс без многу проблеми славеше во дуелот против Лос Анџелес лејкерс со 122:109. Лејкерси беа без двете најголеми ѕвезди Леброн Џејмс и Ентони Дејвис, па реално беше да стават крај на убавата серија што ја имаа со пет победи по ред.
Денвер постојано имаше водство и контрола на резултатот, па во еден момент од втората четвртина стигна до предност од 18 разлика (55:37). И во второто полувреме предноста на домаќините во најголемиот дел беше двоцифрена, па на крајот без многу драма стигнаа до посакуваниот триумф.
Никола Јокиќ повторно блескаше за Денвер и на крајот заврши со нов трипл-дабл реализирајќи 14 поени, 16 асистенции и 11 скокови. Иако даде само 14 поени, беше без грешка, погодувајќи 5 од 5 од поле, од која една беше тројка, како и три слободни фрлања од исто толку обиди.
Normal Jokic pass pic.twitter.com/CR53PUZe54
— Denver Nuggets (@nuggets) January 10, 2023
Кај Денвер најефикасен беше Џемал Мари со 37 поени, додека прв стрелец кај Лејкерси беше Расел Вестбрук со 25 поени. Денвер сега има 27 победи и 13 порази и е на делба на првото место на Западот, додека Лејкерс со биланс од 19 победи и 22 порази е на 12-тото место во оваа конференција.
Резултати од мечевите одиграни ноќеска во НБА: Вашингтон – Њу Орлеанс 112:132, Бостон – Чикаго 107:99, Њујорк – Милвоки 107:111, Мемфис – Сан Антонио 121:113, Денвер – ЛА лејкерс 122:109, Сакраменто – Орландо 136:111.
