Никола Јокиќ со победа го одбележа првиот меч како „манекен“ на кинескиот производител на спортска опрема „361“. Откако му заврши договорот со „Најки“, Јокиќ одлучи да потпише повеќегодишен договор и да стане заштитно лице на кинеската компанија.
„Најки“ одби да му креира негова линија на патики, по што Јокиќ се одлучи да потпише за „361“ и да стане заштитно лице на компанијата која има 6.000 продавници во Кина и повеќе од 3.000 низ целиот свет.
https://twitter.com/NickDePaula/status/1737641472336499158
Дебито со новите патики го одбележа со дабл-дабл од 31 поен и 15 скока во победата на неговиот Денвер нагетс од 113:104 над Торонто репторс.
Неверојатна партија одигра и МВП играчот од минатата сезона, Џоел Ембид. Ембид даде дури 51 поен, на кои им придодаде и 12 скока во победата на неговата Филаделфија од 127:113 против најдобриот тим во Западната конференција, Минесота тимбервулфс.
Лука Дончиќ оствари трипл-дабл од 28 поени и по 10 скока и асистенции, но неговиот Далас загуби во дербито на Западот од ЛА клиперс со 120:111.
Резултати: Кливленд – Јута 124:116, Индијана – Шарлот 144:113, Орландо – Мајами 106:115, Филаделфија – Минесота 127:113, Бруклин – Њујорк 102:121, Торонто – Денвер 104:113, Чикаго – ЛА Лејкерс 124:108, Хјустон – Атланта 127:134, Далас – ЛА клиперс 111:120, Сакраменто – Бостон 119:144.
