Калјари и Јувентус одиграа нерешено 2:2 во меч од 33 коло на италијанската Серија А. Овој бод беше важен за двата тима. Јувентус е во борба за место кое води во Лигата на шампиони, а Калјари уште нема обезбедено опстанок.
Калјари одигра одлично прво полувреме кога поведе со 2:0 и тоа благодарение на два погодоци од пенал. Гаетано и Јери Мина беа прецизни од белата точка за водство на домаќините на полувреме.
Во второто полувреме Јувентус тргна многу поофанзивно. Гостите имаа преку 80 отсто посед на топка и таа доминација ја наградија со два гола. Душан Влаховиќ намали на 1:2 во 61 минута, а Досега потоа си даде автогол во 87 минута.
https://twitter.com/i/status/1781415705985810454
Со ова реми Јувентус ја продолжи лошата низа на гостувањата. Старата дама нема победа на гости во првенството во последните шест средби (три порази и три реми). Последен пат со цел плен Јувентус од гости си замина на 21 јануари кога на стадионот „Вила дел Маре“ со 3:0 го победи Лече.
Инаку Калјари важи за „редовен пациент“ на Јувентус затоа што во претходните 25 нивни пресметки, тимот од Торино има 21 победи, три пати било нерешено, а само еднаш се радувал Калјари.
