Јувентус нема намера да го продаде стоперот Мерих Демирал и според турските медиуми, веќе ја одбил понудата на Ливерпул вредна 50 милиони евра.
Турскиот репрезентативец пристигна во редовите на италијанскиот првак на почетокот на ланската сезона од Сасуоло за сума од 18 милиони евра, па сега Јувентус одби речиси трикратно подобра понуда.
Црно-белите од Торино сметаа на Демирал како стандарден стопер во иднина, Мерих има само 22 години и досега одигра точно 22 натпревари за Јувентус.
Ливерпул, и особено менаџерот Јирген Клоп, очајно бараат квалитетен стопер што ќе може да го замени повредениот Вирџил ван Дајк, но Демирел по сè изгледа нема да биде алтернативата за холандскиот репрезентативец.
Интерес за ангажман на турскиот репрезентативец има и од Тотенхем, Лестер и Атлетико Мадрид, но по одбивањето на понудата од 50 милиони евра што ја испрати Ливерпул, јасно е дека Мерих останува во Торино.
