Кристијано Роналдо ќе мора да се извини пред сите соиграчи и да објасни дека таквото однесување не ѝ помага на екипата воопшто за да не добие никаква казна поради потегот што го направи за време на дуелот против Милан. Португалецот беше заменет во 55-тата минута, што секако дека беше неочекувано за главната ѕвезда на Старата дама.
Роналдо лут го напушти теренот, не се поздрави ниту со тренерот Маурицио Сари, ниту со соиграчите и директно замина во соблекувалната. Сари објасни зошто го заменил Роналдо, а фудбалерот засега не се изјаснил за потегот кој тој го направи по заминувањето од теренот.
https://twitter.com/MessiCuIe/status/1193637152455823362
Потоа тој решил да си замине од стадионот, и тоа додека мечот уште се играл. Ваквиот потег со заминување предвреме можело да му донесе и двегодишна суспензија на Роналдо.
Во Јувентус веќе 10-тина дена е тензично и тоа поради Роналдо, кој прво се налути зошто беше сменет во мечот против Локомотив Москва во Лигата на шампионите, а потоа одигра уште помалку минути во дербито против Милан.
