Италијанците се разочарани од првата гарнитура фудбалски дресови што германскиот производител на спортска опрема „Адидас“ ги изработи за Аѕурите за настапите во 2023 година.
Италија ќе игра и против Македонија во квалификациите за пласман на ЕП 2024 што ќе го организира Германија, а веќе има бунт во редовите на актуелниот европски првак.
Италија е земја на модата и за нив ваков дизајн на дресот е ужасен, па бараат од „Адидас“ да се коригира.
https://twitter.com/TheyThinkKits/status/1607375433246593027?s=20&t=fdmFCLy4C4XlCa0wXuWaug
Многумина тврдат дека Италијанската фудбалска федерација, ФИГЦ, погрешила што го раскинала договорот со „Пума“.
Фирма што беше долгогодишен партнер на гигантите и секогаш имаше соодветни и одлични дресови и опрема за Аѕурите.
Македонија во двата квалификациски натпревари од Ц групата за ЕП 2024 најпрво ќе ѝ биде домаќин на Италија на 9 септември во Скопје, а потоа ќе им гостуваме на актуелните европски прваци на 17 ноември во град и на стадион што допрва треба да ги одреди домаќинот.
Со нас и со Аѕурите во Ц групата се и Англија, Украина и Малта и тоа е една од најтешките групи во квалификацискиот циклус за ЕП во Германија во 2024 година.
