Азиската фудбалска конфедерација, АФЦ, пресече со одлука во корист на Иранките и потврди дека на мечот против Јордан сепак не бранел маж, туку жена, но сега поразената репрезентација бара нова проверка.
Иранките го добија плејоф-мечот против Јордан со 4:2, но од таборот на селекцијата што загуби се сомневаа во полот на голманката на Иран.
Веднаш упатија жалба и барање до АФЦ да се утврди полот на „единицата“ на голот на Иранките и се посомневаа дека е машко.
Сепак, АФЦ потврди дека сè е регуларно, иако Јорданците се упорни и бараат нова проверка на полот и победа со службен резултат.
Селекциите на Јордан и Иран играа пред два месеци во квалификациите за Азискиот куп, а Иран победи на пенали со 4:2.
Од Фудбалската федерација на Јордан посочија дека и во минатото имало скандали поврзани со иранската репрезентација, кога биле откриени мажи како играат во женскиот тим, па и сега се сомневаат дека се работи за ист скандал.
