Џејми Карагер без влакно на јазикот и со фронтален напад ја критикуваше идејата на ФИФА и на Џани Инфантино да воведе ново натпреварување од 2025 година наречено Светско клупско првенство.
Првиот човек на ФИФА, Инфантино,, најави турнирски систем сличен на Мундијалот со 32 екипи.
„Во 2021 година не се одигра Светското клупско натпреварување поради пандемијата. Можам да најавам дека на турнирот во 2025 година ќе има 32 екипи од целиот свет. Допрва ќе зборуваме за деталите околу ова натпреварување, но се знае дека најдобрите 32 екипи ќе бидат на турнирот што ќе наликува на Светско првенство“, рече Инфантино.
Веднаш реагираше Карагер, кој е поранешен познат ас, сега стручен аналитичар на „Скај спорт“ и изјави дека ова е премногу и дека фудбалерите се третираат како стока.
„ФИФА ја мрази Лигата на шампионите и затоа се обидува на грбот на фудбалерите да го преземе приматот од УЕФА. По смешната идеја на Инфатино за Светско првенство на секои две години, сега има нова.
На играчите им треба одмор, ги третираат како стока наместо да ги заштитат. Европските клубови треба да го бојкотираат новото натпреварување“, вели Карагер.
Like the ridiculous idea of @FIFAWorldCup every two years, this is another one from Infantino. Players need rest at some point, they are getting treated like cattle. FIFA hate the CL & want something similar themselves.
European clubs should boycott it. https://t.co/YHdbAx8rna— Jamie Carragher (@Carra23) December 16, 2022
