Кармело на еден меч прескокна две легенди на Бостон на вечната листа на стрелците
Ентони сега е 15-ти стрелец на сите времиња во НБА.
Ветеранот Кармело Ентони во победата на Портланд над Филаделфија придонесе со 20 поени и тие 20 поени му помогнаа да стане 15-ти стрелец на сите времиња во НБА-лигата, иако пред мечот беше 17-ти. Ентони на вечната листа ги прескокна легендите на Бостон селтикс, Џон Хавличек и Пол Пирс.
На 14-то место е Тим Данкан со 95 поени повеќе од Кармело, а не се далеку ниту Доминик Вилкинс, Оскар Робертсон и Хаким Олајџувон, кои 36-годишниот Ентони ќе може да ги прескокне ако игра во иста ваква форма и во следната сезона. Околу 1.000 поени заостанува зад десеттиот Елвин Хејс и деветтиот Мозес Мелоун.
