Дани Карвахал сака да го ангажира Родри во Реал Мадрид. Бекот ова го откри во интервјуто за една телевизија.
Новинарот го праша Карвахал дали би го донел Родри во Реал, на што Карвахал одговори: „Да, без сомнение, му велам секој ден да дојде во Реал. Остави го Манчестер, таму нема сонце, дојди во Мадрид, ни требаш, плус тоа од тука си, од Мадрид“, изјави Карвахал.
Родри е роден во Мадрид, а пред да премине во Манчестер сити, каде што е клучна алка во средниот ред, играше за Атлетико. Договорот со Граѓаните му е до 2027 година.
Карвахал откри и каков е одговорот на играчот на Манчестер сити на понудата од Дани да премине во Кралскиот клуб.
„Тој ми вели дека има договор со Сити. Но, би бил големо засилување за нас, без сомнение. Покрај тоа, Шпанец, од Мадрид, мислам совршено би се вклопил“, додаде Карвахал.
