Каталонскиот весник „Мундо депортиво“ објавува дел од екипите кои веднаш по одлуката на судот изразиле подготвеност за учество во Суперлигата. Станува збор за неколку италијански прволигаши, потоа екипите на ПСВ Ајдховен и Феенорд од Холандија, Бенфика и Порто од Португалија, Андерлехт од Белгија, но и белградската Црвена ѕвезда.
Тие наведуваат дека главната причина поради која клубовите сакаат да учествуваат во Суперлигата се финансиите, со оглед на тоа дека се споменуваат вртоглави суми, а дел од екипите во најавеното натпреварување гледаат спас од финансиските проблеми со кои се соочуваат.
