Голден Стејт вориорс наскоро ќе добие големо засилување на центарската позиција. После пауза од 11 месеци (нема играно од 26 јануари), Демаркус Казинс почна да тренира, а она што може да се види на една снимка од тренинг на „воините“, популарниот Буги е во добра форма и не ја загубил силата.
Казинс летоска потпиша за Вориорс за скромни 5,3 милиони долари, и уште нема дебитирано во дресот на актуелниот првак, бидејќи се рехабилитира по операцијата на ахиловата тетива. Неговиот камбек се ближи, а кога ќе заигра, нема да има проблем да доминира во рекетот и да биде важен играч во тимот кој е познат по најдобрата надворешна линија со шутери како Кари, Томпсон и Дурант.
Поранешниот репрезентативец на САД, во салата за тренинг одигра еден на еден против Дурант и акцијата ја заврши со забивање преку колегата, кој после судирот, се најде на паркет.
COUSINS BODIED KD 💀
(via @KerithBurke)pic.twitter.com/ZqVAjnKz0c
— Bleacher Report (@BleacherReport) December 21, 2018