Томас Милер објави дека ќе го напушти Баерн Минхен по завршувањето на актуелната сезона, а по тој повод се огласија и Баварците кои објавија и едно емотивно видео со Милер од дете до сега кога е 35-годишен фудбалер.
Милер порача дека би сакал да продолжи да игра за Баерн, но ја почитува одлуката на клубот да не му го продолжи договорот.
Милер целата своја професионална, па и младинска кариера ја помина во Баерн во кој бепе упте од 2000 година. Како член на првиот тим, 12 пати стана германски шампион, а двапати ја освои Лигата на шампионите. Сезонава напаѓачот одигра 36 натпревари за клубот, постигна 5 гола и имаше 5 асистенции.
Членот на Бордот на Баерн за спортски прашања, Макс Еберл, ја објасни одлуката на клубот од Минхен да не му понуди нов договор на Милер.
„Оваа одлука, секако, беше исклучително тешка за нас. Клучниот фактор на крајот беше планирањето на составот, каде што се фокусираме на иднината. Преговорите што ги имавме со Томас беа отворени и транспарентни од двете страни. Томас знае дека е многу ценет во Баерн и оваа одлука не го менува тоа. Сега сакаме да освоиме уште повеќе трофеи со него“, рече Еберл.
Милер го држи рекордот за најмногу одиграни натпревари (743) за клубот и е трет стрелец во историјата на Баерн (247 гола). Има прилика да одигра уште едно финале на ЛШ и тоа во Минхен, но ќе треба да го елиминираат Интер во четвртфиналето, па Барселона или Борусија Дортмунд во полуфиналето.
„Денес е сè освен нормален ден за мене. Моите долги 25 години како играч на Баерн Минхен ќе завршат во текот на летото. Тоа беше неверојатно патување полно со уникатни искуства, одлични натпревари и незаборавни триумфи. Оваа посебна врска со клубот и нашите фантастични навивачи ќе остане засекогаш. Она што сакам во збогувањето е да славиме заедно, а ќе останат позитивни титули за мене во долго време. Ќе дадеме се од себе во следните недели да ја вратиме титулата во Минхен“, напиша Милер кој последниот официјален меч за Баерн ќе го одигра летово во САД, на Светското клупско првенство.
̈ .
Wir verneigen uns vor dir, Thomas! ❤️#DankeThomas pic.twitter.com/ZtjWJw0vnj
— FC Bayern München (@FCBayern) April 5, 2025
