Дуел на ранетите ги чека Пари Сен Жермен и Аталанта во четвртфиналето во Лигата на шампионите, а и двете екипи имаат многу проблеми пред нокаут мечот во Лисабон на 12. август.
На последниот тренинг пред денешниот пријателски меч на ПСЖ со Сошо се повреди и Марко Верати, па и неговиот настап е неизвесен на „Луж“ во Лисабон за една седмица.
По еден дуел со Чупо-Мотинг, италијанскиот репрезентативец се повреди и сега е неизвесно дали ќе игра против Аталанта.
Le contact est pourtant pas énorme, mais il est lourd de conséquence pic.twitter.com/v00j0xmm8D
— Loïc Tanzi (@Tanziloic) August 5, 2020
Познато е дека Килијан Мбапе нема да настапи против ривалот од Бергамо што заедно со отсуството на Верати ќе биде голем хендикеп за француските светци.
И Аталанта има многу проблеми, пред се со отсуството на Јосип Иличиќ. Не се знае се уште дали Словенецот ќе биде подготвен за настап на 12. август.
Можно е да не играат и Паломино и Толои, а неизвесен е и настапот на голманот Голини што му создава големи главоболки на Џанпјеро Гасперини пред историскиот дуел што ќе го игра Аталанта за 7 дена.