Најскапото засилување во историјата на Баерн Минхен и на Бундеслигата, Хари Кејн, во целост ги исплати 100-те милиони евра кои германскиот тим му ги плати на Тотенхем и на перфектен начин ја заврши годината.
Баерн со 2:1 го совлада Волфсбург во последниот меч од Бундеслигата во 2023 година, а Кејн во 43-тата минута го постигна вториот гол за својот тим.
По мечот, Кејн се огласи на социјалните мрежи објаснувајќи дека е презадоволен од досегашните настапи.
„Одличен начин да се ‘одјавите’ пред зимската пауза. Уживам во првите неколку месеци во Баерн и во Минхен. Сега ми следува одмор и потоа се враќам во новата година“, објави Кејн.
https://twitter.com/hkane/status/1737596208602857851?s=46&t=GxJVE__6HtIDqzRQ9MGgwA
Кејн заслужи 20-тина дена да одмора бидејќи од почетокот на сезоната постигна 25 гола за Баерн Минхен, од кои 21 даде во Бундеслигата, а четири во Лигата на шампионите. Бундеслигата ќе продолжи на 12 јануари идната година, а Баерн Минхен во првиот меч во 2024 година ќе игра против Хофенхајм.
Ова ќе биде првпат во неговата кариера да одмора за божиќните и новогодишните празници и да не биде дел од Боксинг деј лудилото во Премиер лигата. Англиските екипи мечевите од Премиер лигата ќе ги играат и на 26, 28, 31 декември, како и на први јануари.
„Не беше лесно поголем дел од првите месеци во Минхен да бидам без сопругата и децата. На Боксинг деј на пријателите и колегите ќе им пратам слики од плажа“.
Harry #Kane freut sich auf seine allereste Winterpause, sagt:
"I can't wait, it was not easy most of the time without the kids and my wife. I will text my friends and mates on Boxing day with a picture from the beach (laughs)."#FCBayern #WOBFCB— Patrick Strasser (@AZ_Strasser) December 20, 2023
