Лос Анџелес клиперс против Милвоки бакс ќе играат во големото финале на НБА лигата оваа сезона. Вакво е предвидувањето на ѕвездата на Бруклин, Кевин Дурант. Бруклин е тим кој се бори за влез во плејофот и моментно е на седмото место на Истокот. Сепак, самиот Дурант знае дека неговиот тим нема шанси за титула.
„Мразам да правам прогнози, ама веќе ако морам да изберам, мојата прогноза е дека во финалето ќе играат Клиперс против Бакс. Мислам дека на крајот Клиперс ќе победат, затоа што покажаа дека имаат квалитетен тим со голем потенцијал и талент. Ги имаат Каваи и Пол Џорџ на крилните позиции, а токму тоа е многу важно за победа. Тоа се меѓу најдобрите играчи на нивните позиции. Сепак, никогаш не можете да бидете сигурни што ќе се случи, а тоа се покажа и минатата сезона“, вели Дурант.
Милвоки има низа од четири порази во последните пет меча, но и покрај тоа е ибедлив лидер на Истокот, додека Клиперс се бори да ја задржи втората позиција на Западот.
