Федерико Кјеза, фудбалерот на Јувентус, ја доби наградата за најдобар играч во Италија за 2021 година. Изборот го направија навивачите со гласање на веб-страницата на Италијанската фудбалска федерација.
Кјеза има голема заслуга што Аѕурите станаа европски прваци и доби 46% од гласовите. Втор е Николо Барела од Интер со 20 проценти гласови, трет е Леонардо Спинацола од Рома со 14%.
Иако ги освои и Лигата на шампионите и ЕВРО 2020, натурализраниот Италијанец Жоржињо не се најде меѓу најдобрите петмина во својата земја. Пред него во топ 5 се најдоа и Џиџи Донарума и Лоренцо Инсиње.
Во гласањето за Златната топка на „Франс фудбал“, Жоржињо беше трети во Европа, а Кјеза го немаше на листата од 30 кандидати.
