Германскиот тренер на клупата на Ливерпул, Јирген Клоп, веќе најави дека на крајот на сезона си оди од Енфилд и ќе прави пауза од една сезона. Голем број на германски навивачи би сакале да го видат како селектор на нивната репрезентација, и тоа уште на Европското првенство на кое ќе бидат домаќини, но Клоп одби и останува на тоа што го најави.
Нагелсман останува селектор на континенталниот собир во Германија, но поранешниот репрезенаттивец на „панцирите“, Дитмар Хаман, вели дека токму Клоп е идеалното решение за селектор од следната година и предводник кој треба да ја води Германија на Светското првенство во 2026-тата година.
– „Ако Клоп сака да ја преземе репрезентацијата, треба да најдеме привремено решение. Во тој случај нема подобра опција од Вагнер и Волф.“ – вели Хаман.
Планот на германците е после Европското првенство, како привремено решение да биде помошникот на Нагелсман, Сандро Вагнер, кој треба да ја води Германија на натпреварите од Лигата на нации, а Клоп од 2025-тата да ја преземе селекцијата.
