Актуелната шампионка на Отвореното првенство на САД, Коко Гоф, ја победи Германката Татјана Марија со резултат 6:4, 6:0. Во третото коло се пласираа и Дона Векиќ, Викторија Азаренка, Елина Свитолина и Пејтон Стернс.
Гоф имаше малку повеќе проблеми во првиот сет, кога загуби еден свој сервис гем. Тоа се случи на самиот почеток и беше рибрејк на Германката во вториот гем. Подоцна, Американката направи уште еден брејк за 6:4, додека во вториот сет немаше никакви проблеми. Ги освои сите гемови и продолжи понатаму на Отвореното првенство на САД.
Сега ја очекува дуел против Елина Свитолина, која ја совлада Ангелина Калинина со 6:1, 6:2.
Дона Векиќ ја победи Грет Минен од Белгија со 7:5, 6:1 и ќе игра против Пејтон Стернс, која релативно лесно ја елиминира 12-тата фаворитка на турнирот, Дарија Касаткина, со 6:1, 7:6.
И Викторија Азаренка е во третото коло. За помалку од час и половина беше подобра од Клара Бурел со 6:1, 6:4.
