Американката Коко Гоф за првпат во својата кариера успеа да дојде до трофејот од Ролан Гарос. Гоф во финалето ја совлада Арина Сабаленка после голема драма во три сета и 160 минути.
Прворангираната тенисерка на ВТА листата, Сабаленка, го освои првиот сет, но во тај-брејк со 7-5 на поени. Следуваше комплетен пресврт на Гоф. Американската го доби вториот сет со 6-2, додека во третиот беше подобра со 6-4. Сабаленка имаше брејк-топка за израмнување на 5-5, но Гоф успеа да се извлече, што на крајот ѝ го донесе трофејот.
За Гоф ова е втор трофеј од Грен Слем турнирите, откако пред две години победи на УС опен, додека Сабаленка останува на три трофеи, но ниту еден од нив не е на Ролан Гарос.
