Поранешниот холандски репрезентативец Бас Дост, колабираше на теренот за време на дуелот АЗ Алкмар и НЕЦ Најмеген. Се играа последните минути од дуелот кога Дост изненадувачки падна на средината од теренот.
Веднаш реагираа фудбалерите кои беа блиску до него, а веднаш се појави и Брза помош. Лекарите навремено реагираа, а по неколкуминутна интервенција, фудбалерот додека заминуваше во болница, ја крена раката сигнализирајќи дека е подобро.
На социјалните мрежи на НЕК Најмехен вечерва се појави фотографија од Дост и негова порака до сите кои беа загрижени за неговата состојба.
„Добро ми оди. Помошта која ја добив на теренот беше фантастична. Сега сум во болница и добро се чувствувам. Благодарам на поддршката“, гласи пораката од Дост.
Bas Dost: “Het gaat goed met me. De hulp die ik op het veld heb gekregen was fantastisch. Ik ben nu in het ziekenhuis en ik voel me goed. Bedankt voor alle support!” 😘 pic.twitter.com/0WY5sAnQ87
— N.E.C. Nijmegen (@necnijmegen) October 29, 2023
