Новиот тренер на Милан, Серхио Консеисао, и во четвртиот меч на клупата на „црвено-црните“ останува без пораз. Милан со пресврт победи на гостувањето кај Комо со 1-2, а она што е интересно сите три гола беа постигнати во 15-тина минути.
Откако во првото полувреме немаше голови, Комо поведе во 60-тата минута преку Диао, но само десеттина минути, односно во 71-вата минута израмни Тео Ернандес. Победата за Милан ја донесе Рафаел Леао во 76-тата минута. Милан со оваа победа се искачи на седмата позиција на табелата со 31 бод, пет помалку од Лацио кој е на четвртата позиција која носи пласман во Лигата на шампионите, но 16 помалку од лидерот и градски ривал, Интер.
