Шпанскиот гигант Реал Мадрид наводно обезбедил големо засилување за наредната сезона во францускиот дефанзивец Ибрахима Конате, тврдат шпанските медиуми.
Според пишувањата, 25-годишниот стопер постигнал договор со Кралевите и во јануари ќе го официјализира трансферот. Тој ќе пристигне како слободен играч по истекот на договорот со Ливерпул идното лето.
Конате би требало да потпише договор со Реал до 2031 година, а поради тоа веќе одбил три понуди за продолжување на соработката со англискиот шампион и богата понуда од Саудиска Арабија.
