Јужноамериканската куќа на фудбалот ја одреди казната за Габриел Жесус, репрезентативецот на Бразил, поради црвениот картон и бурната реакција при напуштањето на теренот во финалето на Копа Америка против Перу. Жесус ќе мора да одлежи суспензија од два месеци, а ќе плати и дополнителни 30.000 долари.
Членот на Манчестер сити беше еден од стрелците во финалето, но потоа заработи два жолти и исклучување од средбата на дваесетина минути до крајот. При излегувањето од теренот, Бразилецот со солзи во очите ги загуби нервите и удри во церадата каде што стоеше мониторот за ВАР-технологијата, па сега и тој како Лео Меси нема право на настап на следните квалификации за континенталниот собир на Јужна Америка.
Меси претходно доби суспензија од три месеци и парична казна од 50.000 долари.
https://twitter.com/BrasilEdition/status/1159175247242964993?ref_src=twsrc%5Etfw%7Ctwcamp%5Etweetembed%7Ctwterm%5E1159175247242964993&ref_url=https%3A%2F%2Fwww.itasportpress.it%2Fcalcio%2Fnazionali-calcio%2Faltra-vittima-della-conmebol-dopo-messi-anche-gabriel-jesus-multato-e-squalificato-per-i-fatti-in-copa-america%2F
