Бока јуниорс го елиминираше најомразениот ривал Ривер плата во четвртфиналето на Купот, откако победи со 3:2 на неутрален терен на стадионот „Марио Алберто Кемпес“. Освен што резултатот на крајот е 3:2, како што беше на „Ел Класико“ во Шпанија, во Аргентина имаше уште некои сличности со тоа што се случуваше во Мадрид.
Ривер прв даде гол, а Бока израмни за 1:1 на полувреме. При овој резултат, Ривер даде гол, кој подоцна беше поништен откако ВАР системот процени дека целата топка не ја поминала гол-линијата. И во Аргентина како во Шпанија нема гол-линија технологија, па ВАР системот мораше да решава за спорната ситуација.
⚽ River 1 – Boca 1: Anulan gol de River.
Tras una serie de rebotes que da último en Lema, Chiquito Romero no pudo sacarla y el Millonario se puso 2-1 ante Boca, luego fue anulado por el Var. #Superclasico pic.twitter.com/L68tikXgp7
— Tv Pública Libertaria (@Tv_Libertaria) April 21, 2024
Во Мадрид, Барселона беше таа која очекуваше да се израдува на погодок, но ВАР системот одлучи дека голманот Лунин реагирал навремено и дека немало погодок за 2:1 за Барселона.
По таа спорна ситуација на аргентинското дерби, Бока беше тимот кој беше подобар и даде два гола за водство од 3:1, а Ривер постигна само погодок со кој намали на 2:3, но не успеа да се спаси од пораз и елиминација од Купот.
