Азиската фудбалска конфедерација одлучи Кина да не биде домаќин на возвратниот меч против Јужна Кореја, во квалификациите за пласман на Летните олимписки игри во Токио кои ќе се играат летово. Според планот, Јужна Кореја и Кина ќе играат двомеч, а подобриот ќе се најде на завршницата наѓенскиот фудбалски турнир на ЛОИ.
Првично, Кина требаше да биде домаќин на реваншот и тоа во градот Вухан, кој веќе еден месец е епицентарот на епидемијата што настана со појавувањето на Коронавирусот. Затоа, наместо во Вухан, возвратниот меч кој треба да биде на 11 март, ќе се игра во Сиднеј, Австралија.
Азија ќе има три претставници на фудбалскиот турнир на ЛОИ 2020. Едното место е загарантирано за домаќинот Јапонија, второто е за подобриот од двомечот Кина – Јужна Кореја, додека за третото ќе се борат Австралија и Виетнам.
