Легендата на Атлетик Билбао – како играч и како тренер – Ернесто Валверде, објави дека по крајот на сезоната ќе го напушти „Сан Мамеш“.
„Ова е одлука за која размислувам подолго време и ја имам дискутирано со клубот“, изјави искусниот стратег. Претседателот Јон Уријарте се обидел на сите начини да го разубеди Валверде, со кого соработуваше во последните четири години, но без успех.
Според мадридскиот весник „Ас“, главен фаворит за негов наследник е Един Терзиќ. Германецот веќе имаше два мандати на клупата на Борусија Дортмунд, со која успеа да го освои Купот на Германија.
ℹ️ Ernesto Valverde will step down as Athletic head coach at the end of the season.
“It’s a decision which I’ve come to over time and which has been agreed with the club.”
“There are ten games left and we have a lot to gain.”
We’ll give you a proper send-off soon, Gaffer!
— Athletic Club (@Athletic_en) March 20, 2026
Валверде заминува по вкупно 10 години како тренер на „црвено-белите“, распоредени во три различни периоди. Под негово водство, Атлетик го освои Суперкуп на Шпанија 2015, Куп на кралот 2024, а двапати избори и пласман во Лига на шампиони (2014 и 2025).
„Остануваат уште десет натпревари во кои имаме многу за што да се бориме. Ќе ти приредиме испраќање какво што заслужуваш, мистер“, порачаа од Атлетик во емотивната проштална порака.
Валверде седум години го носеше дресот на Атлетик Билбао како фудбалер, во периодот од 1990 до 1996 година.
