Британските медиуми од утринава ја пренесуваат веста дека Мохамед Салах ќе остане во Ливерпул и дека веќе се е договорено за новиот договор. Долго траеше неизвесноста, а двете страни никако не можеа да најдат заеднички јазик, што ги загрижуваше навивачите на „црвените“.
Ливерпул му нудеше договор за само една сезона, а репрезентативецот на Египет и неговиот менаџерски тим бараа тригодишен договор, некаде се споменуваше и четиригодишен. Сепак, според британските медиуми, двете страни се нашле на половина пат, па новиот договор ќе биде на две сезони, а навивачите на Ливерпул конечно ќе може да здивнат.
Sunday Mirror are reporting Mohamed Salah has agreed to sign a new two-year contract at Liverpool 🚨
It will be discussed in more detail on Super Sunday Matchday at 10am on Sky Sports News 📰 pic.twitter.com/wZECTJQccI
— Sky Sports Premier League (@SkySportsPL) December 8, 2024
Мохамед Салах во Ливерпул пристигна во 2017-тата година од Рома и стана вистинска легенда на клубот. Одигра 377 натпревари со ефект од 226 гола и 101 асистенција, а оваа сезона е најдобар стрелец во Премиер лигата со 13 погодоци.
