Кристијано Роналдо се жалел дека базенот кој го користат фудбалерите на Манчестер јунајтед има искршени плочки и не е пипнат од 2009 година, па клубот веднаш го послушал барањето. Базенот во тренинг-центарот во Карингтон се реновира и ќе биде готов до стартот на подготовките на Црвените ѓаволи во средината на јули.
Сите други играчи молчеле, но не и Роналдо. Тој кажал дека има ризик од повреди, бидејќи фалеле плочки, а некои биле искршени. Португалецот се заканил дека нема да ги користи базените ако не бидат реновирани.
Од клубот сериозно ги сфатиле укажувањата на првата ѕвезда и не сакаат Роналдо за регенерација да продолжи да ги користи само базените кои ги има дома.
