Мечеви од најсилните лиги во Европа се дел од најновото коло на Спортската прогноза, а посебно внимание привлекуваат три дерби-пресметки. Манчестер јунајтед нареди три победи и сега има предизвик на „Олд Трафорд“ да ја продолжи серијата во дуелот против Тотенхем.
Интересно е тоа дека во претходните неколку кола, мал беше бројот на прогнозери кои веруваа дека Црвените ѓаволи ќе победуваат против Манчестер сити, Арсенал и Фулам, но сега довербата во некогашниот првак повторно се враќа. Дури 80 отсто од прогнозерите очекуваат Манчестер јунајтед да го победи Тотенхем.
Возбудливо ќе биде и на „Енфилд роуд“, каде што ќе играат Ливерпул и Манчестер сити. Домаќините се дури на шестото место и на овој меч едноставно ќе се обидат да покажат дека имаат квалитет да бидат при врвот на табелата. Речиси 45 отсто од прогнозерите очекуваат победа на Црвените, а само 25 отсто се за триумф на Граѓаните.
Во француското првенство, ПСЖ на „Паркот на принцовите“ ќе игра против Олимпик Марсеј, а голем дел од прогнозерите (84 отсто) очекуваат да биде „кец“. Тука се уште десет интересни дуели и главен предизвик за секој прогнозер е да се обиде да стигне до Среќна 13-ка, односно да ги погоди сите 13 фиксови. За таков успех следува подарок iPhone 16. За 12 погодени меча следува вредносен ваучер од 1.000 денари во Sport Life, додека 11-ката носи ваучер од 500 денари.
