Момчето по име Борис кое од Полска со татко му допатува во Белград за да добие автограм од Кристијано Роналдо, иако не ја постигна целта кога Португалците слетаа завчера во главниот град на Србија, сепак доби автограм и се фотографирале заедно во хотелот, притоа добил и топка со потпис од португалските репрезентативци.
Таткото на Борис е навивач на Легија и Црвена ѕвезда, ова му е 15-ти пат да оди во Белград. Инаку, не е лесно да се дојде до Роналдо, тој е сам во претседателскиот апартман во хотелот „Хајат“ и за да не излегува од соба, за него има посебен готвач, собарка и келнер, кои мораа да имаат негативен тест за коронавирус.
