Турскиот кошаркар Енес Кантер Фридом (слобода) тврди дека неговата глава е уценета и дека се наоѓа на листата на Интерпол поради критиките кон турскиот претседател Реџеп Таип Ердоган.
Тој во интервју за „Баскењуз“ изјави дека поради тоа не може да игра кошарка, како и дека мора да го извести Американското федерално истражно биро (ФБИ) секогаш пред да ги напушти САД. Турските власти го сметаат Кантер за терорист поради поддршката на Фетулах Ѓулен и поради критиките на сметка на претседателот Ердоган.
„Точно е дека мојата глава е уценета на 500.000 долари. Кога се борите против диктатор, ќе направат сè за да ве замолкнат. Да се уцени државјанин на САД е неверојатно и тоа покажува каков карактер има турскиот претседател Ердоган. Моменто смеам да патувам само во 29 земји во светот бидејќи моето име е на листата на Интерпол. Каде и да одам, морам да го известам ФБИ, но свесен сум дека слободата доаѓа со последици и не жалам поради тоа“, изјави Кантер.
Кантер последен пат играше кошарка минатата година, сезоната ја започна во дресот на Бостон, но потоа беше разменет во Хјустон, кој веднаш го отпушти.
