Новиот тренер на Барселона, Роналд Куман, на прес-конференцијата на која беше претставен рече дека се надева дека Лионел Меси ќе остане во клубот и дека во моментов не знае дали ќе треба да го убедува да остане. Куман не се согласува дека од клубот треба да си одат сите играчи над 30 години бидејќи меѓу нив е и Меси.
„Фудбалери од 31-32 години не се готови. Има и 20-годишни кои не се залагаат, без никаква желба. Ако треба да се донесат некои одлуки, ќе ги донесеме. Не сакам во тимот да имам играчи кои не сакаат да играат за Барселона. Се надевам дека Меси ќе остане, тој има договор до крајот на сезоната, а би сакал да остане и после тоа. Меси решава натпревари, тој е најдобар на светот, секако сакам да остане“, изјави Куман.
Куман како холандски тренер потврди дека ќе остане доследен на стилот и дека Барса под негово водство ќе продолжи да игра со топката, а најави и дека ќе разговара со сите играчи пред да се одлучи кој треба да остане, кој да си оди.
