Екипите на Пелистер и Вардар ќе ги одмерат силите во четвртфиналето во Купот на Македонија.
На денешниот ждреб во Фудбалската федерација, вечните ривали беа извлечени еден против друг, а во сезоната која и двете екипи посакуваат да ја заборават, ќе се обидат барем преку Купот да изборат излез во Европа.
Пелистер е закован на дното на Првата лига само со четири освоени бодови, а како што е добро познато, Црвено-црните настапуваат во втората лига и се надеваат на експресно враќање во елитата, но, барем засега, тоа е малку веројатно.
Актуелниот првак Шкендија, пак, ќе ја пречека Струга Трим Лум, а сите натпревари ќе се играат на 24 ноември, со термин од 13:00 часот.
КУП НА МАКЕДОНИЈА
ЧЕТВРТФИНАЛЕ 24 ноември, 13:00 часот
Пелистер – Вардар
Силекс – Брегалница
Шкендија – Струга ТЛ
Македонија ЃП – Шкупи
